كيفية حماية أبنائنا من التحرش
نشر على, يناير 11, 2023. بواسطة abdul rahman
جدول المحتويات
كيفية حماية الأطفال من التحرش الجنسي
متحرش المعادي والذي قد أصبح ترند علي مواقع التواصل الإجتماعي جميعاً , فهذا الشخص الذي قد تحرش بفتاة لم تبلغ العشر سنوات وتعدد وجهات النظر المجتمعية , ولكن بالطبع للطب النفسي رأي هام يجب ان نضعه في الحسبان , ومن الأمور التي تجب علينا ان نتعرف عليها كيفية حماية أبنائنا من التحرش وهو دور الأسرة والأهل .
كيفية حماية أبنائنا من التحرش الجنسي ؟
هناك العديد من النصائح التي يجب أن نضعها في الحسبان ومن أبرز النصائح والارشادات التي يجب أن نضعها نصب أعيننا ما يلي :-
1- ممنوع الطفل يبات لوحده من غير الأب او الام في بيت حد تاني وده من الأمور التي يجب ان نضعها أمامنا ولا نهمل تلك النقطة ، الا تحت الضرورة القصوي خاصة أن يكون الوالد خارج البلاد والأم في مكان ما لا يصلح فيه الأم , فمفيش حاجة اسمها البنت تنام جنب ابن عمها او ابن خالها , ومفيش حاجة اسمها ده ابن عمها او ابن خالها فأكيد مش هيأذيها.
2- بلاش ان الطفل يروح لوحده مشاوير بالساعات الطويلة مع حد وخصوصا لو كان الشخص غير مؤتمن.
3-لازم الطفل يتعلم ان جسمه ليه خصوصية ماينفعش حد يتعدي عليها ولازم يخفي جسمه تماماً عن أي حد .
4- ممنوع ان الطفل يقلع هدومه وهو بيغيرها قصاد الناس ، لان ده بيعلمه انه جسمه مباح لأي حد .
5- لما يجي الأب او الام يغيروا هدومهم لازم يتعودوا انهم يستأذنوا من الطفل انه يخرج من الاوضه عشان يعلموه الخصوصية عن طريق القدوة,.بالله عليكم بلاش نكسل ونقول مش مشكلة ده عيل صغير, لأ الطفل اللي تحرش بيه متحرش المعادي مش صغير ففي واقع الأمر الطفل الصغير ده ممكن يستغل .
6- الطفل لازم يتعود وهو صغير انه لما يدخل التواليت يقفل الباب حتي لو مامته معاه لازم تقفل الباب عشان تعوده علي كده.
7- الطفل بعد ما ياخد دش لو مش هيلبس هدومه في الحمام وهيلبسها في اوضته يبقي لازم يروح لاوضته وهو لابس بشكير او مغطي جسمه بفوطه , فلازم نعرف أن الطفل ده مش لازم يتعرف علي الحجات دي من نعومة أظفاره فهو الطريق من أجل الحفاظ علي أبناء واجسامهم .
7- ممنوع ان اَي حد ( غير الام) يدخل الحمام مع الطفل عشان يساعده بعد استخدام التواليت انه يتشطف او يلبس هدومه …. وإذا كان ولا بد، يبقي الأخت او الخالة او العمة او الجدة و ماينفعش ابن العم او ابن الخالة , فلو كانت فتاة كبيرة في السن من المقربين لو لم يكن أمامنا إلا ذلك .
8- علموا الطفل ان في حتت في الجسم ممنوع ان اَي حد يلمسها ( القبل والدبر والصدر – اللي هي منطقة البكيني زي ما بيسموها) وان لو حد طلب من البنت مثلا انها تكشف جسمها او حاول يلمسها انها تدافع عن نفسها وتقوله عيب ولو أصر تزعق وتعلي صوتها وتلم عليه الناس وأنها تقول لمامتها علي اللي حصل وده لازم يبقي بين البنت وأمها .
9- خلوا الولاد تنام علي سراير منفصلة ( علي الأقل ) اول ما يكبروا (التفرقة في المضاجع) .
10- الكلام اللي فوق ده مش أڤورة ولا سوء ظن الوضع أسوء مما تتخيلوا وكم رأينا بنصب أعيننا , فعلينا أن نحافظ علي أبنائنا من الوقوع في طريق التحرش .
خاتمة
اعملوا الإجراءات اللي فوق دي من غير ما تحسسوا الناس اللي حواليكم إنكم بتخوّنوهم بس الوقاية خير من العلاج.